Në zbatim të ligjit nr. 152/2013 “Për nëpunësin civil”, i ndryshuar, neni 25, VKM nr. 243, datë 18.3.2015 “Për pranimin, lëvizjen paralele, periudhën e provës dhe emërimin në kategorinë ekzekutive”, i ndryshuar, Kreu VII, pika nr. 9 dhe Udhëzimit nr. 2, datë 27.03.2015 “Për procesin e plotësimit të vendeve të lira në shërbimin civil nëpërmjet procedurës së lëvizjes paralele, ngritjes në detyrë për kategorinë e mesme dhe të ulët drejtuese dhe pranimin në shërbimin civil në kategorinë ekzekutive nëpërmjet konkurrimit të hapur”, ju njoftojmë se;

Në përfundim të verifikimit paraprak të kandidatëve, për përmbushjen e kushteve të lëvizjes paralele dhe kërkesave të veçanta të përcaktuara në shpalljen për konkurrim, ju njoftojmë se për pozicionin, Specialist i Statistikave dhe Arkivës Gjyqësore, në Drejtorinë e Organizimit të Gjykatave dhe Standardeve, Departamenti i Administrimit të Gjykatave dhe IT (kategoria ekzekutive, IV-1), pranë Këshillit të Lartë Gjyqësor, rezulton se procedura e lëvizjes paralele mbyllet për mungesë të kandidatëve.

Për sa më sipër, vendi vakant është i vlefshëm për vazhdimin e konkurrimit nëpërmjet procedurës së pranimit në shërbimin civil.