Në zbatim të nenit 26 të Ligjit 152/2013 “Për Nëpunësin Civil” i ndryshuar,’ VKM-së Nr.142 datë 12.03.2014, “Për përshkrimin dhe klasifikimin e pozicioneve të punës në institucionet e administratës shtetërore dhe institucionet e pavarura” i ndryshuar ; si dhe të Kreut II, III, IV dhe VII, të Vendimit Nr. 242, datë 18/03/2015, të Këshillit të Ministrave, “Per plotësimin e vendeve të lira në kategorinë e ulet dhe të mesme drejtuese”,Bashkia Vau Dejës, shpall proceduren e lëvizjes paralele dhe ngritjes në detyrë për kategorinë e ulët drejtuese, për pozicionin:
Përgjegjës i Sektorit të Rregjistrimit dhe Kontabilizimit të të Ardhurave, Drejtoria Ekonomike.
Niveli i diplomes: Master Shkencor
Lloji i diplomes: Shkenca Ekonomike
Kategoria e pages: III-a/1
Afati për dorëzimin e dokumenteve për:
LEVIZJE PARALELE: 03.10.2019
NGRITJE NË DETYRË: 08.10.2019
PRANIMI NGA JASHTË SHËRBIMIT CIVIL 08.10.2019
| Përshkrimi përgjithësues i punës për pozicionet si më sipër është:
|
Janë pjesë e Drejtorisë Ekonomike. Merren me mbajtjen e kontabilitetit, ndjekin mënyrën e kontabilizimit dhe pagesën e detyrimeve tatimore.
DETYRAT
- Përgjigjet për organizimin dhe drejtimin e punës në sektorin përkatës .
- Përgjigjet për përgatitjen e parashikimit të të ardhurave vjetore nga taksat dhe tarifat vendore, të cilin e paraqet për miratim tek drejtori.
- Raporton mbi baza mujore pranë drejtorit për realizimin e të ardhurave për çdo taksë ose tarifë vendore dhe përgjigjet për realizimin e tyre.
- Raporton tek drejtori mbi numrin e subjekteve debitor dhe përgatit listën e debitorëve, të cilën ia përcjell më pas sektorit të borxhit dhe sektorit të kontrollit çdo muaj.
- Kujdeset për mënyrën e mbajtjes së kontabilitetit, ndjek mënyrën e kontabilizimit dhe pagesën e detyrimeve tatimore.
- Bashkëpunon me përgjegjësit e sektorëve të tjerë të drejtorisë duke shkëmbyer informacion ndërmjet tyre.
- Përgjigjet për kryerjen e akt-rakordimeve me strukturat përkatëse të Bashkisë dhe agjentëve tatimor, të cilat i paraqet më pas për miratim pranë drejtorit.
- Përpunon informacionin e ardhur nga sektori i kontrollit në lidhje me subjektet e evidentuara dhe rregjistruara në terren dhe organizon punën për llogaritjen dhe kontabilizimin e detyrimeve tatimore mbi bazën e këtij informacioni.
- Organizon punën dhe merr masa për njoftimin e subjekteve debitor.
- Jep informacione javore pranë drejtorit lidhur me pagesat e detyrimeve nga subjektet dhe numrin e debitorëve.
- Të kontabilizojë në menyrë korrekte dhe periodike të gjitha detyrimet tatimore
- Të rakordojë me degen e financës në bazë të postës për çdo bankë.
- Të hartojë ditaret e pagesave për çdo subjekt dhe rakordon me inspektoret e financës dhe buxhetit në bashki.
- Të kryej të gjitha procedurat tatimore për arketim
- Të përgatisë njoftimet për pagesën e detyrimit tatimor për arkëtimin e borxheve të subjekteve.
- Të përgatisë njoftimet për pagesë e detyrimit tatimor në momentin që konstaton se detyrimet nuk janë paguar në afatet ligjore.
- Administron arkivën dhe dosjen përkatese të çdo subjekti.
- Administron rregjistrin dhe kontratat për ambulantet, hapsirat publike, tabela, reklamat për subjektet dhe kompanite reklamuese, parkingjet e rezervuara, hotelet, etj.
- Përpilon vërtetimet mbi bazën e kërkesave të tatimpaguesve, pas marrjes së informacionit nga sektori i kontrollit në terren.
- Ndjek hartimin e projekt-buxhetit në tërësinë e elementëve të tij.
- Paraqet për miratim tek drejtori programet e punës.
- Mbanë evidencë ditore të paraqitjes në punë për punonjësit e sektorit që mbulon
- Përgatit korrespondencën për QKB, drejtori të tjera pranë Bashkisë, apo institucione të tjera për aq sa ato kanë lidhje për informacionin që disponon ky sektor.
- Kryen edhe detyra të tjera të parashikuara në nenin 42 të rregullores
- Përgjegjesi i Sektorit raporton dhe përgjigjet direkt tek Drejtori i Drejtorisë.
- LËVIZJA PARALELE
| 1.1 | KUSHTET PËR LËVIZJEN PARALELE DHE KRITERET E VEÇANTA: |
Kandidatët duhet të plotësojnë kushtet për lëvizjen paralele si vijon:
- Të jenë nëpunës civilë të konfirmuar
- Të mos kenë masë disiplinore në fuqi;
- Të kenë të paktën vlerësimin e fundit “mirë” apo “shumë mirë”;
Kandidatët për pozicionin duhet të plotësojnë kërkesat e posaçme si vijon:
- Të jetë diplomuar në Shkencat Ekonomike
- Të ketë mbi 3 vite punë në profesion
- Të ketë Master Shkencor
- Një gjuhë të huaj e mbrojtur (njohuri e certifikuar)
| 1.2 | DOKUMENTACIONI, MËNYRA DHE AFATI I DORËZIMIT |
Kandidatët duhet të dorëzojnë me postë në zyrën e Njësisë së Menaxhimit të Burimeve Njërëzore, të Bashkisë Vau Dejës, këto dokumente:
- Letër motivimi për aplikim në vendin vakant.
- Një kopje të jetëshkrimit (CV).
- Nje numër kontakti dhe adresën e plotë të vendbanimit.
- Fotokopje e diplomës. Nëse aplikanti disponon një diplomë të një universiteti të huaj duhet ta ketë të njehsuar pranë Ministrisë së Arsimit.
- Fotokopje e diplomës me listën e notave. Nëse ka një diplomë dhe listë notash të ndryshme me vlerësimin e njohur në Shtetin Shqiptar, aplikanti duhet ta ketë të konvertuar atë sipas sistemit shqiptar.
- Fotokopje e vlerësimit të fundit vjetor.
- Fotokopje të librezës së punës e plotësuar.
- Certifikata ose dëshmi të kualifikimeve, trajnimeve të ndryshme.
- Fotokopje e letërnjoftimit (kartë Identiteti).
- Vërtetim te gjendjes gjyqësore dhe shëndetësore.(Dëshmi penaliteti dhe raport mjekësor).
Dokumentat duhet të dorëzohen me postë brenda datës 03.10.2019
| 1.3 | REZULTATET PËR FAZËN E VERIFIKIMIT PARAPRAK |
Në datën 04.10.2019, Njësia e Menaxhimit të Burimeve Njerëzore në Bashkinë Vau Dejës do të shpallë në portalin ”Shërbimi Kombëtar të Punësimit”, në faqen zyrtare të Internetit të Bashkisë në stendën e informimit të publikut., listën paraprake të kandidatëve që do të vazhdojnë konkurrimin , si dhe datën, vendin dhe orën e saktë ku do të zhvillohet intervista.
Në të njëjtën datë kandidatët që nuk i plotësojnë kushtet e lëvizjes paralele dhe kriteret e veçanta do të njoftohen individualisht nga Njësia e Menaxhimit të Burimeve Njerëzore në Bashkinë Vau Dejës, për shkaqet e moskualifikimit në të njëjtën ditë me shpalljen e listës së verifikimit paraprak të kandidatëve në rrugë elektronike përmes e-malit të paraqitur nga kandidati në dokumentacionin e aplikimit.
Kandidatët që nuk kualifikohen kanë të drejtë të paraqesin ankesë brenda 3 tri ditëve kalendarike nga data e marrjes së njoftimit në Njësinë Përgjegjëse të Menaxhimit të Burimeve Njerëzore dhe ankuesi merr përgjigje brenda brenda 5 ditëve kalendarike nga data e depozitimit te saj.
Njësia e Burimeve Njerëzore, shpall listën e verifikimit përfundimtar të kandidatëve si dhe datën dhe vendin e saktë se ku do të zhvillohet konkurrimi.
1.4 FUSHAT E NJOHURIVE, AFTËSITË DHE CILËSITË MBI TË CILAT DO TË ZHVILLOHET INTERVISTA
Kandidatët do të vlerësohen në lidhje me:
- Ligji nr. 139/2015 “Për vetëqeverisjen vendore”;
- Ligji nr. 68/2017 “Për financat e vetëqeverisjes vendore”;
- Ligji nr. 9936/2008 “Për menaxhimin e sistemit buxhetor në Republikën e Shqipërisë”, i ndryshuar;
- Ligji nr. 10 296, datë 08.07.2010, i ndryshuar me Ligjin nr. 110/2015, datë 15.10.2015 “Për Menaxhimin Financiar dhe Kontrollin”;
- Udhëzimi nr. 2 datë 06.02.2012 i Ministrisë së Financave “Për proçedurat standarte të zbatimit të buxhetit” i ndryshuar;
- Udhëzimi i MF nr. 30 datë 27.12.2011 “Për menaxhimin e aktiveve në njësitë e sektorit publik” i ndryshuar;
- Ligji nr. 9761 datë 12.07.1995 “Kodi i Punës i Republikës së Shqipërisë”, i ndryshuar;
- VKM nr. 142 datë 12.03.2014 “Për përshkrimin dhe klasifikimin e pozicioneve të punës në institucionet e administratës shtetërore dhe institucioneve të pavaruara”;
- VKM Nr.463 datë 16.06.2011 “Për kohën e punës dhe të pushimit”;
- Udhëzimi nr. 8 datë 09.03.2018 “Për procedurat e përgatitjes, paraqitjes dhe raportimit të pasqyrave financiare vjetore në njësitë e qeverisjes së përgjithshme”.
- Ligji nr.9632, datë 30.10.2006 “Për sistemin e taksave vendore”, i ndryshuar.
- Ligji nr.9920, datë 19.05.2008 “Për procedurat tatimore në Republikën e Shqipërisë”, i ndryshuar.
- Ligji nr.8438, datë 28.12.1998 “Për tatimin mbi të ardhurat, i ndryshuar.
- Ligji nr.131, datë 26.11.2015 “Për Qendrën Kombëtare të Biznesit”
- Ligji nr. 9975, datë 28.07.2008 “Për taksat kombëtare”, i ndryshuar.
- Ligji nr. 92 datë 24.07.2014 “Për tatimin mbi vlerën e shtuar në Republikën e Shqipërisë”, i ndryshuar.
- Ligji nr. 9482 datë 03.04.2006 “Për legalizimin, urbanizimin dhe integrimin e ndërtimeve pa leje”.
- Ligji nr. 25/2018 “Për kontabilitetin dhe pasqyrat financiare”.
| 1.5 | MËNYRA E VLERËSIMIT TË KANDIDATËVE |
Kandidatët do të vlerësohen në lidhje me dokumentacionin e dorëzuar:
Kandidatët do të vlerësohen për përvojën, trajnimet apo kualifikimet e lidhura me fushën, si dhe certifikimin pozitiv. Totali i pikëve për këtë vlerësim është 40 pikë.
Kandidatët gjatë intervistës së strukturuar me gojë do të vlerësohen në lidhje me:
- Njohuritë, aftësitë, kompetencën në lidhje me përshkrimin e pozicionit të punës;
- Eksperiencën e tyre të mëparshme;
- Motivimin, aspiratat dhe pritshmëritë e tyre për karrierën.
Totali i pikëve për këtë vlerësim është 60 pikë.
| 1.6 | DATA E DALJES SË REZULTATEVE TË KONKURIMIT DHE MËNYRA E KOMUNIKIMIT |
Komisioni, në përfundim të vlerësimit, përzgjedh kandidatin, i cili renditet i pari ndër kandidatët që kanë marrë më shumë se 70 pikë (70% të pikëve) në rast të kandidatëve me pikë të barabarta, zbatohet parashikimi i pikës 23, të Kreut II të Vendimit të Këshillit të Ministrave nr.242 dt.18.03.2015 ‘Për plotësimin e vendeve të lira në kategorinë e ulët dhe të mesme drejtuese”.
Komisioni njofton për vendimin e përzgjedhjes, Njësinë Përgjegjëse të Menaxhimit të Burimeve Njerëzore.
Njësia Përgjegjëse e Menaxhimit të Burimeve Njerëzore, do të njoftojë për rezultatet në mënyrë individuale , të gjithë aplikantët. Të gjithë kandidatët pavarësisht nga e drejta për tu ankuar në gjykatë administrative, ka të drejtë të bëjë ankesë me shkrim, pranë Komitetit të pranimit të lëvizjes paralele, për rezultatin e pikëve, brenda tri ditëve kalendarike nga data njoftimit individual, Njësia e Menaxhimit të Burimeve Njerëzore, kthen përgjigje ankuesit brenda pesë ditëve kalendarike, nga data e përfundimit të afatit të ankimit .
Në përfundim të vlerësimit të kandidatëve, informacioni për fituesin do të shpallet në:
- në portalin “Shërbimi Kombëtar i Punësimit” ,
- në faqen zyrtare të Bashkisë Vau Dejës
- stendën e publikimeve të Bashkisë Vau Dejës
- NGRITJA NË DETYRË
Vetëm në rast se pozicioni i renditur në fillim të kësaj shpalljeje, në përfundim të procedurës së lëvizjes paralele, rezulton se është ende vakant, ai është i vlefshëm për konkurrimin nëpërmjet procedurës së ngritjes në detyrë. Këtë informacion do ta merrni në faqen e shërbimit kombëtar të punësimit.
2.1. KUSHTET QË DUHET TË PLOTËSOJË KANDIDATI NË PROCEDURËN E NGRITJES NË DETYRË DHE KRITERET E VEÇANTA
Vetëm në rast se pozicioni i renditur në fillim të kësaj shpalljeje, në përfundim të procedurës së lëvizjes paralele, rezulton se është ende vakant, ai është i vlefshëm për konkurrimin nëpërmjet procedurës së ngritjes në detyrë. Këtë informacion do ta merrni në faqen e shërbimit kombëtar të punësimit.
Për këtë procedurë kanë të drejtë të aplikojnë vetëm nëpunësit civilë të një kategorie paraardhëse (vetëm një kategori më e ulët), të punësuar në të njëjtin apo në një institucion tjetër të shërbimit civil, që plotësojnë kushtet për ngritjen në detyrë dhe kërkesat e veçanta për vendin e lirë.
Kandidatët duhet të plotësojnë kushtet për ngritje detyrë si vijon:
- Të jenë nëpunës civilë të konfirmuar
- Të mos kenë masë disiplinore në fuqi;
- Të kenë të paktën vlerësimin e fundit “mirë” apo “shumë mirë”;
Kandidatët duhet të plotësojnë kërkesat e posaçme si vijon:
- Të jetë diplomuar në Shkencat Ekonomike
- Të ketë mbi 3 vite punë në profesion
- Të ketë Master Shkencor në Shkencat Ekonomike
- Një gjuhe të huaj e mbrojtur (njohuri e certifikuar)
| 2.2. | DOKUMENTACIONI, MËNYRA DHE AFATI I DORËZIMIT |
Kandidatët që aplikojnë duhet të dorëzojnë dokumentat si më poshtë:
- Jetëshkrim i plotësuar në përputhje me dokumentin tip që e gjeni në linkun http://ëëë.dap.gov.al/legjislacioni/udhezime-manuale/60-jeteshkrimi-standard(http://www.dap.gov.al/legjislacioni/udhezime- manuale/60-jetëshkrimi-standard)
- Fotokopje të diplomës (Master Shkencor). Për diplomat e marra jashtë Republikës së Shqipërisë të përcillet njehsimi nga Ministria e Arsimit dhe e Sportit;
- Fotokopje të librezës së punës (të gjitha faqet që vërtetojnë eksperiencën në punë);
- Fotokopje të letërnjoftimit (ID);
- Vërtetim të gjendjes shëndetësore;
- Vetëdeklarim të gjendjes gjyqësore;
- Vlerësimin e fundit nga eprori direkt;
- Vërtetim nga institucioni që nuk ka masë disiplinore në fuqi;
- Çdo dokumentacion tjetër që vërteton trajnimet, kualifikimet, arsimin shtesë, vlerësimet pozitive apo të tjera të përmendura në jetëshkrimin tuaj;
Dokumentat duhet të dorëzohen me postë brenda datës 08.10.2019, në adresë të Njësisë së Menaxhimit të Burimeve Njerëzore, në Bashkinë Vau Dejës.
| 2.3. | REZULTATET PËR FAZËN E VERIFIKIMIT PARAPRAK |
Në datën 04.10.2019 NJBNJ do të shpallë në portalin ”Shërbimi Kombëtar i Punësimit”, në faqen e Internetit të Bashkisë Vau Dejës dhe në stendën e informimit të publikut, listën paraprake te kandidatëve që do të vazhdojnë konkurrimin, si dhe datën, vendin dhe orën e saktë ku do të zhvillohet testimi me shkrim dhe intervista.
Në të njëjtën datë kandidatët që nuk i plotësojnë kushtet e pranimit në kategorinë ekzekutive dhe kriteret e veçanta do të njoftohen nga Njësia Përgjegjëse e Menaxhimit te Burimeve Njerëzore, për shkaqet e moskualifikimit., në rrugë elektronike nëpërmjet e-mailit.
Ankesat nga kandidatet paraqiten në Njësinë Përgjegjëse të Menaxhimit të Burimeve Njerëzore brenda 5 ditëve kalendarike dhe ankuesi merr përgjigje brenda 5 ditëve kalendarike nga data e depozitimit te saj.
2.4. FUSHAT E NJOHURIVE, AFTËSITË DHE CILËSITË MBI TË CILAT DO TË ZHVILLOHET TESTIMI ME SHKRIM DHE INTERVISTA
Kandidatët do të testohen me shkrim në lidhje me:
- Kushtetuta e Republikës së Shqipërisë.
- Ligji nr.139/2015 “Për vetqeverisjen Vendore’
- Ligji nr.9131, datë 08.09.2003 “Për rregullat e etikës në administratën publike;
- Ligj Nr. 119/2014 “Për të Drejtën e Informimit”
- Ligj nr. 120/2014 datë 18.9.2014 për disa shtesa dhe ndryshime në Ligji nr.9887/datë 10.03.2008”për mbrojtjen e të dhënave personale” i ndryshuar
Kandidatët gjatë intervistës së strukturuar me gojë do të vlerësohen në lidhje me:
- Njohuritë, aftësitë, kompetencën në lidhje me përshkrimin përgjithësues të punës për pozicionet;
- Eksperiencën e tyre të mëparshme;
- Motivimin, aspiratat dhe pritshmëritë e tyre për karrierën.
| 2.5 | MËNYRA E VLERËSIMIT TË KANDIDATËVE |
Mënyra e vlerësimit të kandidatëve:
Kandidatët do të vlerësohen nga Komiteti i Përhershëm i Pranimit, i ngritur pranë Bashkisë Vau Dejës.Totali i pikëve të vlerësimit të kandidatëve është 100 pikë të cilat ndahen përkatësisht:
- 15 pikë për dokumentacionin e dorëzuar;
- 25 pikë për intervistën e strukturuar me gojë;
- 60 pikë për vlerësimin me shkrim.
Njoftimi do të bëhet:
– në faqen zyrtare të Bashkisë Vau Dejës
– në stendën e informimit publik të Bashkisë Vau Dejës
2.6 Në rast se pozicioni i renditur në fillim të kësaj shpalljeje, dhe në përfundim të procedurës së lëvizjes paralele dhe ngritjes ne detyre, rezulton së pozicioni është ende vakant, ai është i vlefshëm për konkurrimin nëpërmjet procedurës së pranimit nga jashte sherbimit civil.
Dokumentacioni, menyra dhe afatet e aplikimit të pranimit nga jashtë shërbimit civil, janë të njejta me ato të procedures së ngritjes në detyrë, te parshikuara në shpalljen për konkurim.