Në zbatim të ligjit nr.44/2015 “Kodi i Procedurave Administrative” neni 42 dhe neni 164 paragrafi 2, gërma “c”,Njoftimit nr.2673/1 datë 30.12.2020 të drejtorisë së burimeve njerëzore për shpalljen e listës paraprake të kandidatit që përmbush kushtet dhe kërkesat e veçanta për ngritje në detyrë njoftojmë se:
Për shkak të pjesëmarrjes së një kandidati dhe mosparaqitjes të asnjë aplikimi tjetër për konkurrim, rëndësisë së momentit në të cilin KQZ ndodhet, me qëllim mirëadministrimin dhe organizimin e procesit zgjedhor, të Kuvendit të Shqipërisë, çmohet e nevojshme plotësimi i pozicionit të punës Drejtor në Drejtorinë e Komunikimit.
Akti i emërimit të kandidatit fitues do të jetë më datë 5.01.2021.
Për sqarime të mëtejshme, mund të kontaktoni në adresën e Komisionit Qendror të Zgjedhjeve, Rruga“Ibrahim Rugova”, Nr.4, Tiranë si dhe të konsultoni faqen zyrtare në internet ww.kqz.gov.al.
Në zbatim të nenit 25 të ligjit nr.152/2013, datë 30.05.2013 “Për nëpunësin civil”, i ndryshuar, Kreut VII të Vendimit nr.243, datë 18.03.2015 të Këshillit të Ministrave “Për pranimin, lëvizjen paralele, periudhën e provës dhe emërimin në kategorinë ekzekutive” i ndryshuar, ju njoftojmë se:
Nga procedura e lëvizjes paralele për 1 (një) vend të lirë pune të kategorisë ekzekutive, në pozicionin
Specialist në Sektorin e Administrimit të të dhënave dhe Sistemeve në Drejtorinë të Administrimit të të Dhënave dhe Sistemeve IT në përfundim të afatit ligjor për dorëzimin e dokumentacionit, nuk është paraqitur asnjë kandidaturë.
Për sqarime të mëtejshme, mund të kontaktoni në adresën e Komisionit Qendror të Zgjedhjeve, rruga “Ibrahim Rugova”, Nr.4, Tiranë si dhe të konsultoni faqen zyrtare në internet www.kqz.gov.al.
Në zbatim të nenit 22 të ligjit nr.152/2013, datë 30.05.2013 “Për nëpunësin civil”, i ndryshuar, Kreu IV, pika 6, Vendimit nr.243, datë 18.03.2015 të Këshillit të Ministrave “Për pranimin, lëvizjen paralele, periudhën e provës dhe emërimin në kategorinë ekzekutive”, i ndryshuar, njoftojmë se:
Në përfundim të afatit të ankimit njësia përgjegjëse, shpall listën përfundimtare të kandidatëve që kualifikohen në fazën “konkurimi”, për pozicionin e punës
Specialist/jurist në Sektorin e Verifikimit të Dokumentave dhe Këshillimit Ligjor mbi Ankesa Administrative e Gjyqësore në Drejtorinë Juridike dhe Dokumentacionit Zgjedhor si më poshtë:
- zj.Amanda Selgjeka
- zj.Anduela Xhaferraj
- z.Erdal Mema
- zj.Iliriana Osmanaj
- z.Marion Gecaj
- zj.Senada Çelepia
Për sqarime të mëtejshme, mund të kontaktoni në adresën e Komisionit Qendror të Zgjedhjeve, rruga “Ibrahim Rugova”, Nr.4, Tiranë si dhe të konsultoni faqen zyrtare në internet www.kqz.gov.al.